De Oranje feriening organisearre sûnt 1950 de doarpsfeesten. De earste foto's fan weinen binne al fan om 1920 hinne. It is al in âlde tradysje. De doarpsfeesten binne alle jierren in hichtepunt yn it doarpslibben. De mienskiplike foarwille fan it meitsjen fan de fersierde weinen foar de optocht en it fersieren fan de buerten / strjitten drage der ek oan bij. Oan de spultsjes foar de bern en fansels it keatsen, it follyebal en it klaverjassen docht elk mei. It doarp libbet twa dagen op it feestterrein wert iten en drinken folop te krijen is. Mei it meitsjen en fersieren fan weinen, buerten en strjitten is der in sûne kompetysje ûnderinoar.  It feest soarget foar ferbining yn it doarp. Op it feestterrein komme je yn petear mei minsken dy 't je oars net faak tsjinkomme. It doarpsfeest is in middel om de koheezje fêst te hâlden yn it doarp. Dat jildt foar jong en âld. 

Yn 1672 sloech ûnder in freeslik ûnwaar de wjerljocht yn de majestueuze spits fan de Martinitsjerke. Dy spits wie fan stien. De spits barstte útinoar en wat brâne woe fleach yn brân. Fan de trettjin meter hege spits wie neat mear oer. Dy toer stie der nei alle gedachten al sûnt it midden fan de 12e iuw en wie boud om de minsken te beskermjen tsjin oerfallers. Yn gefal fan need sieten je feilig efter de stiennen muorre mei in swiere doar foar de yngong mei beslach fan izer. De doar dy ’t no tagong biedt is der yn 1862 ynsetten, tagelyk mei it ommitseljen fan tsjerke en toer mei in laach giele bakstien. Yn 1688 waard der in nije spits op ‘e toer setten en dy stiet der noch altyd op. Ek no noch is de Eastereiner toer fier fanút de fierte te sjen. Lês foar mear ynformaasje oer de toer yn de rubriek "Yn en om Easterein": De toer

Fyftich jier nei de oprjochting fan de nije feriening Doarpsbelang Hâld Faesje is in jubileum CD makke.Dêryn is in oersjoch presintearre fan de ynset en de aktiviteiten fan it doarpsbelang.Meardere ûnderwerpen en bylden fertelle it ferhaal fan dy ynset sa 't jo yn in tal filmkes sjen en hearre kinne.Hjirby de earste filmkes.Mei achtergrûnmuzyk fan de Eastereinder band Sebeare!En de fiering fan it jubileum yn de Martini tsjerke, mei bylden fan it doarp.

Nei de oarloch (WOII) waard troch de foargonger fan doarpsbelang mei de 'list' troch it doarp gongen en koene de Eastereiners foar in bedrach yntekenje om de âlderein ien kear yn it jier fergees in fleurich reiske te besoargjen. Fan de reis út 1956 hat F.K. Reitsma in fotoreportaazje makke. Jan Hiemstra hat de foto's fan kommintaar fersjoen en wer mooglik ek de nammen neamd. Oanfullingen binne wolkom! 

De Wynserdyk: Der steane 54 huzen yn de strjitte. Dat is mear as yn de measte oare strjitten. De huzen yn de strjitte Wynserdyk hawwe as trochsneed boujier 1934: se binne dus relatyf âld. It meast resint boude hûs yn de strjitte komt út 2025. Mei syn 1 jier is it dus noch frij jong. De âldste wenning yn de strjitte Wynserdyk is 176 jier âld en hat as boujier 1850. Mei in gemiddelde oerflakte fan 216 kante meter binne de wenningen der grut. De measte wenten binne yn it doarp. Mar der binne ek in tal pleatsen dy't ûnder de Wynserdyk falle bûten it doarp. Dizze steane apart beskreaun. Trochdat de huzen relatyf âld binne hawwe der in soad bewenners west. Ek de wenbestimming is faak feroare. Van Pastorie, Pastorale, smidderij, grientesaak, slachter, postkantoar. De middenstân wie rom fêstige yn dizze strjitte. Wy hawwe besocht safolle mooglik de bewenners yn kaart te bringen. Guon huzen binne yn de famylje bleaun en hawwe net in soad oare bewenners mei makke. Oare huzen hawwe faak nije bewenners krigen. As der oanfollingen binne dan hoopje ik dat jim dat trochjouwe, oanpasse kin altyd.